今日肥仔同哥哥係銅記搵野食，去到燈籠街搵食，見到好多鋪頭都改頭換面，咁去到街中間見到間日式定食，仲要加小食都唔係貴，都係廿幾蚊起；店員仲會主動出來招客，十分窩心，仲表示可以加幾款小食，而且仲有最後一張卡位，於是肥仔同哥哥都表示可以就入左呢間野到食啦，但一入到去，係門口位，都唔緊要，但出風位係頭頂，由於都多人出入光顧，所以一冷一熱而度至出風位滴水，咁坐低左，覺得有啲伏，都算啦，咁呢度點餐都好適合 I 人，因為都係手機落單，但呢間餐廳相比琴晚的上海菜的服務氣氛好啲啲，唔多，就啲啲。起碼有我喜歡聽的服務用語：「請等等，我好快來幫你。」
咁都同大家睇下餐牌先啦，呢度餐牌比較簡樸，用個 A4 卡套 x 4 張前後咁睇，好令人眼花撩亂；所以我建議用番一本本的比較好。
咁今次肥仔前菜叫左鴨胸沙律，餐牌冇寫有醬汁，意外地配上日式芝麻汁係肥仔食沙律最愛的醬汁，然後主食呀哥叫左日式滑蛋雞，而肥仔本身想食日式咖哩吉列魚，但係點餐時見到吉列豚賣相好吸引，就轉左軚，加左個唐揚炸雞，都係冇寫幾多件，咁來的時候見到得三粒冇醬汁，出面的係有配醬汁；相反地咁樣令肥仔扣分，即使他炸出來幾咁鮮嫩可口都好，因為肥仔對醬料有執著的地方。
咁第一樣來的係飲品令肥仔意想不到，咁糖水同奶係另上都唔錯，而跟著好快到另一位同事上沙律，頭先都分享過，好好咁配上左日式芝麻醬，但餐具就只得一份，咁肥仔就好好叫左女服務員做妹妹，問她拎一份餐具+兩隻碗；但只來左一份餐具 + 一隻碗。都唔緊要啦，咁食食下，好快頭先上沙律的同事就快上左日式滑雞，但上菜就講左句：「邊個係日式滑雞呀呀？」我心諗料呀，咁肥仔都好快回神事意係肥仔哥哥的，他就咁上左份定食餐盤，用個餐盤推開份沙律，嚴重地扣分！！！跟著立即上埋我份定食，跟著咩都冇講就放低；我心諗我唔係去日式餐廳咩？點解感覺去左茶餐廳咁？我又冇難相遇提無理要求呀？點解會有咁的服務嫁？真係失望透！
餐廳評分
品質：★★★☆☆
服務：★☆☆☆☆
清潔：★★★☆☆
環境：★★★☆☆
總結
肥仔推介推數：★★☆☆☆
