肥仔今日跟瘦仔嚟咗大館行街睇展覽窩，行完之後有啲肚餓就問瘦仔到底附近有啲乜嘢好食。瘦仔話大館對著條荷里活道有一間泰國嘢同一間點心鋪都啱肥仔口味，肥仔我望過間泰國餐廳之後就決定去點心舖食午餐啦！
呢間中式餐廳叫鼎點，係食點心歎茶嘅，雖然價錢幾平，不過始終因為係半山所以最後埋單價錢都有啲貴。另外就喺餐廳對門開咗嘅時候外面啲熱風會蓋過餐廳冷氣，搞到肥仔我要喇喇臨叫罐汽水散熱下先。
餐廳評分
品質：★★★☆☆
服務：★★★☆☆
清潔：★★☆☆☆
環境：★☆☆☆☆
餐廳整體環境唔差，裝修有特色，空間算大。不過我哋張檯因為對著餐廳門口，所以當有人打開餐廳大門嘅時候就會比較熱。而呢間餐廳嘅特色係所有點心都係即叫即整，雖然等得耐啲不過所有點心嘅口感都幾好，至於餐牌嘅點心選擇比較少，唔一定有大家鍾意食嘅所有點心提供。
我哋叫咗幾款平時會食嘅點心黎試下，食物賣相整體非常唔錯。佢嘅牛肉球，牛肉球彈牙，而枝竹亦都嫩，證明無蒸過龍。鹹水角咬落口熱度十足，皮脆內軟，唔似平時啲酒樓咁個皮會變硬同埋唔夠熱。叉燒包好得意，係脆皮嘅，外面口感有啲似菠蘿包，咬落口就喺滿滿嘅叉燒。至於外表咁靚嘅灌湯小籠包，裏面真係淡淡湯，唯一缺點係個皮太厚好容易索到個皮黏住個匙羹。
總結
肥仔推介推數：★☆☆☆☆