今次放假特登去同肥仔行下街，唔係呢肥仔佢又係屋企處尊休養做爛瞓豬架喇。我今次係 Klook 到見到 M+ 博物館，未去過就訂左門票去參觀個新野啦！過去呢，可以搭港鐵係九龍站出再經圓方慢慢行過去，佢而家起咗條天橋，三五分鐘就行到過去啦，順便當係幫肥仔做運動。
等我拋下書包先～ 位於西九文化區的 M+ 大樓，是全球數一數二的現代與當代視覺文化博物館。大樓屹立於九龍半島南端，俯瞰維港景色，加上其設計開揚的建築特色，於城市中更為罕見獨特，是香港的重要地標之一。M+ 大樓由建築師事務所 Herzog & de Meuron，率領 TFP Farrells 和奧雅納工程顧問共同設計，其橫向的基座平台和外形修長的縱向大樓組成一個倒轉的「T」字。寬廣的基座平台懸伸在地面之上，內有 17,000 平方米的展覽空間，當中包括 33 個展廳、三個戲院、多媒體中心、學舍以及可以飽覽維多利亞港景色的天台花園。縱向大樓則設有博物館研究中心、辦公室、餐廳以及位於 11 樓的 M+ 會館。大樓面朝維港的幕牆更裝有 LED 屏幕，展出藝術家的流動影像作品，供公眾在西九海濱長廊和對岸的香港島觀賞。設計亦讓訪客可以從地面和地下的多個位置進入博物館，四通八達，緊密連繫館內外的空間。
進入 M+ 大樓之後首先係向右行去長電梯排隊，將你門票嘅 QR code 比職員登記先，然後就可以搭扶手電梯上 2 樓展廳架喇。展廳分為四個區域，分別為東展廳別廳、南展廳別廳、西展廳別廳同特別展廳，另外同一層仲有一間 M+ 餐廳。特別展廳仲預備緊展品，並未提及有關題材。
M+ 裏面有涉及唔同主題嘅作品，係西展廳甚至有啲展品係比較敏感嘅，牽涉到中國嘅政治同民生議題，而東展廳就有係新聞轟動一時嘅電子垃圾展品添。我覺得其實啲展品都非常有趣，有啲展品仲可以引起對現時社會狀況嘅反思。下面有啲我覺得唔錯嘅展品，大家可以睇下。
展館設計新穎，有好多自然光照入嚟，另外冷氣真係好舒服。展館有啲作品都好適合去影相打卡，大家得閒嘅話不妨參觀欣賞同放鬆下。
總結
M+ 經歷咗咁多年之後終於起好，其實整體上都幾好，大樓設計新穎同融入自然環境元素入去，令人感覺舒服。展品方面，我覺得可以改善、引入更多來自唔同地方嘅展品，唔好再比人笑啲展品嘥錢啦。
最估唔到係係而家咁嘅社會環境下面，入去 M+ 竟然令我認真反思下自己係社會嘅位置同埋以後嘅行動。隔離肥仔評分係三粒星 ★★★☆☆