今日收工肥仔同呀哥去搵食飯，因為星期日灣仔好多食肆都關門休息，咁今晚行行下行到差唔多去到英皇後面入口的對面，有間新開的上海菜，咁所以就入左去試食呢間野。
同大家睇下餐廳的餐牌先
其實肥仔好挑食，有骨嘅又唔食，有酒味的野又唔太好，因為肥仔本身唔飲酒，所以對醉雞又冇興趣，但其實個二人套餐都唔錯，所以大家有興趣可以去試下。
肥仔入門口坐低就已經有點唔高興，門口有個白色恤衫的靚仔，問左幾多位，然後指住第一張枱比肥仔，咁肥仔好快入座，但跟著入面剛帶完位的另一個白色恤衫的靚仔問幾位，跟著登大隻死人眼著住肥仔但肥仔冇理會，係肥仔眼中小兒科；咁另一位同事就幫肥仔解釋，係我安排，跟著果個人就話，哦，我以為佢自己搵位就坐低，我心諗咩料呀，你係咁低質素就算啦，唔好將自己果套放係人地身上先得嫁。
呢間餐廳都好合適 I 人，因為係全手機落單，但如果你需要協助店員都會協助你，但得一讚的地方，就係有個店員著 polo 恤的，應該低級點，好窩心咁聽到肥仔同呀哥的對話，就好快咁協助肥仔將小菜變套餐。
咁係分享野食照片之前，就同大家講下環境先啦，地方都大，而人流都多，同埋都比較整潔，唔會枱底有點小垃圾咁，係我一個滿意地方。
肥仔今日都點左數項的美食，所以都食左呢間餐的每類一樣的菜色咁。咁由於我坐近門口的第一張枱，所以成日都聽日機械式的歡迎光臨，幾多位？但肥仔做服務業的怪病又出現啦，幾多位？唔係應該問請問幾多位呢，幫你安排座位！都算啦隻手指示客人入店內坐，然後大叫幾多位，咁入面帶位同事就出來帶入去，但客人同帶位員的距離都有少少，所以我覺得應該講多少少，呢邊直入，然後有同事會協助你帶位，多謝。聽左成餐覺得好硬耳。
咁肥仔都簡嘩講下叫左咩啦，前菜叫左雞絲粉皮，而小食叫左上海小籠包，蘇杭小點的蘿蔔絲酥餅，而主食叫左川滬經典的招牌擔擔麵，家常小菜的蟹粉蟹肉豆腐煲同埋蘇杭手工薺菜卷，順帶一提呢個家常小菜系列 + $15就可以升級套餐配江南菜飯及飲品。
上餐都快其實，一來就上左個豆腐煲，一上菜覺得好勁海鮮味，跟著楚左個粉皮，然後小籠包，跟著食擔擔麵，再來食蘿蔔絲酥，呢個時候來啦，店員好奇怪好喜歡係你旁邊傾計，應該附近有一台客人都點左，唔知邊台好食點，爆左一下：冇對比，冇傷害。等心諗咩料呀，都繼續食啦，咁我斬好好我左一陣先問，唔好意思，我點左個升級，但菜飯仲未見，唔知可唔。就打斷左你，你意思未來呀，轉身走左去，就叫對講機，1號枱吹菜飯呀，快啦！我心諗，我咁都哪吹？唔係呀？都算啦，等左差唔多成25分鐘先出現一碗菜飯，但得想表達的係我的豆腐煲一早就來左，等到而家先出現。
食品品質係唔差的，不過服務員呢，實係有進步空間
餐廳評分
品質：★★★☆☆
服務：★☆☆☆☆
清潔：★★★☆☆
環境：★★★☆☆
總結
肥仔推介推數：★★☆☆☆