今次我同瘦仔去到中環打算係中環街市行下，係中環半山電梯入口到見到呢間 ChaTraMue 泰國茶店，即刻捉住咗瘦仔拉咗佢上去。呢間 ChaTraMue 呢，係泰國茶嘅至尊黎，平時係泰國菜餐廳飲嗰啲泰國奶茶都喺用呢間 ChaTraMue 出嘅茶葉沖嘅。肥仔我好鍾意飲泰國奶茶架，因為佢每一淡有浸濃郁香味，就算比冰沖淡咗都仍然有一陣陣清香，好耐飲。
間舖頭雖然空間小，但係裝修好精緻。佢除咗泰國奶茶之外，亦都有唔少其他茶飲嘅選擇，甚至仲有雪糕同茶葉可以買，同出面其他奶茶店都幾唔同。價錢嚟講相宜，平均一杯飲品都喺 30-40 蚊附近。今次因為瘦仔從來未飲過泰式奶茶，就幫佢叫咗杯泰式奶茶，而我自己就叫咗一杯而家做緊限時嘅泰式朱古力奶黎試下。
如果你未飲過泰式奶茶嘅話，就要睇下下面呢張圖啦！泰式奶茶杯杯都會爆多冰嘅，係因為啲冰其實係杯奶茶嘅一部分。泰式奶茶嘅茶膽非常濃味，如果就噉飲落口味道就會太刺激，冰嘅作用就喺令茶嘅味道慢慢變淡同埋比茶味更多空間出味，所以記住叫泰式奶茶就唔好叫少冰嗰啲啦。
總結
肥仔我今日飲完杯朱古力好開心，誠意推薦呢間泰式奶茶店比大家。
肥仔評分：★★★★☆