今日肥仔話放假想去遠啲，所以去完 M+ 博物館之後就由九龍站行去圓方搭地鐵去左沙田。今日實在係太熱，又拎住好重嘅野，於是就走咗去搭東鐵頭等。因為肥仔從來未去過咁遠的商場，到咗新城市廣場之後就喇啦啦林走咗去睇商場地圖。
其實呢幾日瘦仔已經陪咗肥仔食好多餐泰菜啦，於是今日肥仔就建議食下西餐（因為瘦仔喜歡食鬼佬野多😛）。瘦仔之前都聽肥仔大讚意粉屋唔差，所以就選擇左意粉屋，呢到都多人排隊嫁，不過都唔使等好耐，用餐時間為 120 分鐘。
餐廳評分
品質：★★☆☆☆
服務：★☆☆☆☆
清潔：★★★☆☆
環境：★★★★☆
同大家介紹下意粉屋背景先啦！意粉屋餐廳由 1979 年起，以款式繁多、味美的意粉成功建立了「意粉專家」的地位。憑藉大廚的精湛廚藝、挑選最上等的材料，如來自意大利的意粉、新鮮蔬菜、優質橄欖油及芝士等等建立起食意粉就要去意粉屋嘅觀念。 意粉屋店舖設計時尚舒適，裝修更會定期作出提升。
至於點解品質方面會得兩粒星呢？其實扣分位喺係個意粉到。今次叫個三文魚意粉個汁有啲溜口，三文魚質感似煙三文魚但係無煙燻嘅香味。意粉屋啲 Pizza 一向味道都好好，個湯都好好味，肥仔十分喜歡。
呢間分店係用 QR 落單，門口帶位嘅侍應比人親切嘅感覺，除咗呢一刻之外其實都幾自助無乜餐廳嘅服務，於是服務評分只有一星。
餐廳環境整潔，裝修亦都有西式風格，座位舒服，食得都開心。
意粉屋非常適合一家大小黎食，肥仔見到隔離臺個小朋友食兒童餐有啫喱食已經心動咗。順帶一提係意粉屋其實揀套餐同散叫嘅價錢係差唔多嘅，所以如果套餐選擇唔啱食嘅話直接叫自己鍾意食嘅嘢就得。今次肥仔同瘦仔就喺散叫嘅。
肥仔推薦指數：★★★☆☆