今日肥仔出發前，睇到唔少 Fooddie 都有介紹呢間泰國菜，所以肥仔都比左兩個選擇同埋分析比瘦仔去食。咁瘦仔見呢間都好多人推介同大讚，就選擇呢間，但其實肥仔想食隆姐多點，因為平時佢有食開。
餐廳評分
品質：★☆☆☆☆
服務：★☆☆☆☆
清潔：★☆☆☆☆
泰金國個餐牌
咁今次肥仔同瘦仔都係食左點大路的野食，例如係冬陰雞湯，青咖哩雞等等…… 不過的雞有骨，係有點失望。因為所有有雞嘅菜式都有骨，所以令肥仔食慾大減。唯一比較好食的係燒豬頸內肉沙律，可以叫做值我去推介比大家食嘅。
本身諗住好食再叫燒牛肉食，因為呢道菜係呢間餐廳的主打菜，但係頭先幾款食物上菜之後令我們卻步。
呢間餐廳落單係用 QR 落單嘅，如果要改單侍應會黑面。唔係我們要改單，係前面門口果家人要改單，她黑人面之餘仲用泰文講 น่ารำคาญ（粗口點解釋：麻撚煩），人地就梗係唔識聽啦，但係肥仔作為識聽泰文嘅就覺得好冇禮貌囉，服務比一星都偷笑。
清潔方面，地下都滿地食物碎屑嫁，所以感覺一般。
總結
分析完品質服務同清潔，大家就會明白我感受。所以大家揀呢間泰金國食嘢之前要三思啦，呢間餐又貴又唔抵，每道菜都最少 $80 起計，仲要食住受氣，一啲都唔推薦。